MJA, Serchhip District chuan Inrinni khan Chawm kai bula Pu Bawla huanah Advance Christmas leh member thar lawmluhna hun an hmang.
He hun, C.Ramengmawia, Vice President kaihhruaiah hian Kapliana Pachuau, President chuan tun hnaia MJA General Hqrs. executive meeting-in MJA member nih dilna a pawmsak zinga mi PC Lalremsanga (Ramlai Post, Thenzawl) chu MJA member atan a lawm lut a, C.Lalhminghlua, ex-president-in Member thar fuihna leh pawl inkaihhruai dan inhrilhhriatna hun a hmang a, hemi hnu hian intihhlimna hrang hrang nen advance christmas an hmang zui a ni.
Inrinni vek khan MJA General Headquarters chuan Aizawl Press Club-ah member thar lawmluh neih pahin Advance Christmas an hmang bawk a, tun hnaia MJA Gen. Hqrs. executive meeting chuan Mizoram hmun hrang hrang aṭanga MJA member dilna lut aṭangin working journalist 10-te chu MJA member-a lakluh a remti a ni.