Skip to content
Home » Chanchinthar » Govt. Mizo High School-ah Atal Tinkering Laboratory hawng

Govt. Mizo High School-ah Atal Tinkering Laboratory hawng

Nimin khan School Education Director James Lalrinchhana chuan Govt. Mizo High School, Aizawla Atal Tinkering Laboratory (ATL) siam thar a hawng.

School Education Director chuan he hunah hian tunlai khawvel hmasawnna nasa tak karah Science lama tuihâlna zirlaiteah kan tuh a ngai a, hetiang atana Laboratory changkang leh tunlai thiamna hmanga thuam Laboratory tṭha tak Govt. Mizo High School in an nei chu lawmawm a tih thu a sawi a, zirlaite chuan nakina khawvel nunphung rawn inherchhuak zel tur hi an hmuh thiam a ngai a, chutiang a nih loh chuan hmasawnna kan ûmpha ngai dawn lo a ni a ti a, zirlaite hmasawn nan regional competition-te pawh buatsaih theih nise a duh thu a sawi a. Zrlaite chu midangte ûmtu ni ringawt lova hmahruaitu nih tum tur te, hriatna leh thiamna tak tak nei tur leh chutiang atana he laboratory hawn thar chu hmang ṭangkai turin a fuih a ni.

Atal Tinkering Laboratory hi NITI Aayog, Govt. of India Flagship Prog-ramme pakhat Atal Tinkering Laboratory (ATL), Atal Innovation Mission (AIM)-in a kalpui a ni a. Cheng nuai 10 hmangin din a ni a, a hnuah cheng nuai 2 zel, kum tin hmuh chhunzawm theih tur a ni a, chumi nen chuan a project pumpui hian cheng nuai 20 a keng a ni. Robtech Pvt. Ltd. leh Symphony Explorer Pvt. Ltd. ten he projet hi an enkawl a. India ramah School 9500 leh zirlai nuai 75 ten an chhawr dawn a, nimina hawnna hunah hian zirlai naupangten he Lab aṭanga an thiam tharte an entir nghal a ni.

Leave a Reply

This site uses Akismet to reduce spam. Learn how your comment data is processed.