Skip to content
Home » Chanchinthar » Larsap-in National & International Conference hawng

Larsap-in National & International Conference hawng

Nimin khan Mizoram Larsap Hari Babu Kambhampati chuan Department of Clinical Psychology, Mizoram University-in a buatsaih, 57th National and 26th International Conference of the Indian Academy of Applied Psychology (IAAP) a hawng.

Ni 2 awh tur he conference-ah hian hrileng vanga harsatna tawkte tana rilru lam enkawl thiamna chungchang “Relevance of Psychology on Pandemic Condition and its impact on well-being in the digital world”tih chu thupuiah hman a ni a, Larsap chuan mithiamte khawvel pum huapa rilru lam zirmi zinga mithiam rual fuankhawmna hun leh inrawnkhawmna hun MZU in a buatsaih thei chu lawmawm a tih thu a sawi a. He conference chhunga mithiamte inrawn-khawmna hian rah ṭha a chhuah ngei a beisei a, hri leng vangin khawvel puma mihringte nun a chep em em a, hetiang karah hian rilru lama harsana nei tam tak an awm phah thu a sawi a ni.

Larsap chuan tun hrileng karah rilru lama harsatna tawk mi tam tak te hian kaihruaina ṭha an mamawh tih sawiin, mithiamte chuan mipui hnenah zirtirna nasa zawka an pêk chhuah a ngai a ti a. Mizoram mai ni lovin hmun dangah te pawh zirlaite chuan zirna inah lehkha an zir thei lova, online hmanga zirtir an ni deuh ber a, taksa insawizawina hun tak ngial pawh an neih loh avangin rilru lamah harsatna te an tawk ang tih a hlauhawm em em a. Hetiang hunah tak rilru lam zirmi mithiam-ten inrawn khâwmna hun leh mipuite mamawh rilru hriselna ṭha zawka zirtir dan tur an sawiho chu thil tih âwm tak a ni a ti.

He hunah hian larsap hian he inkhawmpui puala Souvernir buatsaih chu a tlangzarh nghal a ni.

Leave a Reply

This site uses Akismet to reduce spam. Learn how your comment data is processed.