Deputy Speaker Er. Lalrinawma, Tuikum Constituency bialtu MLA ni bawk chuan nimin khan a bial chhung Vanchengte khua tlawhin, khawtlang hruaitute leh tlawmngai hruaitute nen inkawmhona hun an hmang.
He inkawmhonaah hian Er. Lalrinawma chuan Vanchengte khuain an la neih ngai loh Health Clinic Centre din a nih tur thu a sawi bakah a hmunhma turte enpui nghalin, sawrkarin hma a lak hma chu khawtlang mipuiten an mamawh tawh Health Centre-in a mamawh hman-ruate leh Health Worker-te a MLA Fund aṭanga tumsak an nih tur thu a sawi bawk.
Er. Lalrinawma hian Vanchengte khaw tui lâkna tur hmun a tlawh bakah khawtlang hmasawnna hrang hrangte a hmunah enpuiin, NGO-ten an mamawh an thlen te chu a theih ang ang a tih hlawhtlinsak an nih tur thu a sawi bakah Covid-19 RAgT Test Kit leh facemask ṭhahnem tak Vanchengte khawtlang tan hian a pe nghal bawk a ni.