Serchhip District Bawrhsap, Nazuk Kumar, IAS chuan nimin khan tunhnaia sem chhuah, National Water Award-a Best Panchayat Village in North East lawmman dawngtu Sialsir khua a tlawh.
Sialsir khua a tlawhnaah hian District Bawrhsap hi VC member leh WATSAN Committee member-ten an lo dawngsawng a, District Bawrhsap chuan Sialsir khua-in National Water Award an dawng chu a lawmpui thu sawiin, National Award an dawng chu phu a tih thu a sawi a, PHE Department hmalakna hrang hrangte a enkual nghal a, he hunah hian Vanlalrema, VCP, Sialsir pawhin thu sawiin, Serchhip District DC zinga a vawi khatna tura DC-in an khua a tlawh chu an lawmzia leh an ngaihhlutzia a sawi bawk a ni.
District Bawrhsap hian Sialsir bakah hian Khaw-lailung leh Piler-a sawrkar hmalakna ṭhenkhatte a en nghal bawk a, nizan khan N.Vanlaiphaiah riakin, sawrkar hmalakna ṭhen-khatte a tlawh leh dawn a ni.
District Bawrhsap hi PHED, PWD leh FOCUS-a thawktuten ṭawiawmin, an hnathawh dante a hmunah an hrilhfiah nghal a ni.