Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
MJA-in damdawi in sak thuai theih nana hmalak sak turin Health Minister ngên – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Inrinni khan MJA, Serchhip District chuan Serchhip District Hospital Building thar sak thuai a nih theih nana hma laksak turin Health Minister an ngên.

MJA, Serchhip District chuan Health Minister hnen-ah hian ziaka ngenna thlen-in, Serchhip chu Mizoram laili-a awm a nih avangin Serchhip in Damdawi In kan neih chu Serchhip khaw chhehvel leh District chhung mai bakah District dang aṭangte pawhin mamawha rawn pantu an tam ṭhin hle tih an tarlang a, amaherawh chu tun dinhmunah District Hospital-ah hian khum a tlêm avangin mipuiten harsatna nasa tak an tawh phah tih sawiin, damlo admit ngai mi harsa te te-te pawh khum indaih lohna avangin loh theih lohin Private Damdawi In-ah enkawl an ngai ṭhin tih an tarlang.

Hei mai bakah hian a building hi a sakna a rei tawh avangin a chhe tawhin, Ward ṭhenkhat phei chu fur lai phei chuan luah hrehawm tak a ni tawh tih an tarlang a, hetiang harsatna hria hian Mizoram sawrkar pawhin kum engemawchen kalta aṭang khan Serchhip District Hospital thar sa turin ruahmannate a lo nei tawh ṭhin a, amaherawh chu tun thlengin a hlawhtlinna hmuh tur ala awm thei ta rih lo tih an tarlang a, tunhnaiah CSR Fund aṭanga khum 100 awm theihna tur Serchhip District Hospital Building thar sakna tur hmuh beiseina a lo awm ta chu lawmawm an tih thu sawiin, mipuite harsatna tawh hrang hrangte sutkian a nih theihna tura he sum hmanga Serchhip District Hospital Building thar sak thuai a nih theih nana hma laksak turin Health Minister hi an ngen a ni.