PC Party Ṭhalaite chuan February ni 8, 2022 – a Assembly Annex Conference Hall -a SEDP Executive Board thutkhawmna kaihhruaitu SEDP Board Chairman, Deputy Chief Minister Tawnluia’n, SEDP chu mipuite chawikanna tur leh ram hmasawnna tur atana duan a nih thu a sawi chu thu belhchian dâwllo, mipuite bum tumna maiah an ngai tih an sawi.
Nimina thuchhuah an siamah PC Party Ṭhalai Hqrs. chuan CM Zoramthanga kaihhruai MNF sawrkar hian SEDP kalpui an tum dan hi, Zoram mipuite chawikan nan leh ram hmasawnna tur ni lovin, MNF Party mi leh sa ṭhenkhatte vulhna hmanrua atan chauh an ruahman a ni tih chu an hmuh dan a ni tih sawiin, hetianga MNF sawrkarin ram leh mipuite chawikanna tur SEDP sum vaibelchhe tam tak hup bo a, an Party hamṭhatna atan chauha hman tuma an hmalakna hi ram leh mipuite rahbehna leh hnuaichhiahna dik takah an ngai tih an sawi a, ram rorelna khawl chelh zui tlakah an ngailo tih an sawi bawk.