Assembly Session-ah Serchhip damdawi in building thar tur sawi chuak

Nimina Assembly session-ah Serchhip bialtu MLA Lalduhoma chuan Serchhip District hospital building thar sak tur chungchang a sawi chhuak.

Lalduhoma chuan Serchhip damdawi in sakna atana cheng vbc. 21 hmuh a ni chu lawmawm a tih thu sawiin, hemi kawnga hma latu sawrkar leh Health Minister chungah lawmthu a sawi a, chutihlai ckhuan “A hmunah khian kan buai ang tih ka hlau khawp mai a, chu chu min hriatpui se ka duh a, NGO Coordination Committee leh Jt. VC leh Serchhip ṭhalai Pawl-in duhna hmun lungrual takin an nei a, chulaia pass lo inpek tum awmten min rawn hrilh a, kan minister pawh hian Revenue lamah ṭan min lo laksak se la, tuten emaw an lo nei hman leh mai ang tihte kan hlau a ni,” a ti a.

Health Minister Dr. R.Lalthangliana chuan, “Govt. Serchhip College-a Science building kan han hawnnaah khatiang an duh thu kha an rawn sawi a, eng pawh ni se la, power department hmun deuh nia kan hriat avang khan tunah hian file kan kaltir mek a, kan power minister Pu Zira pawh ṭawngka chuan kan inhrilh a, nakinah decision siamtu tak takte pawh an ni turah ka’n ngai a ni,” a ti bawk.