PC Party dintu Brig.T.Sailo thih cham pha vawi 7-na, March ni 27 pualin nimin khan PC Party Office Treasury Square-ah urhsun taka hun hman a ni.
He huna thusawitu Brig.Thenphunga Sailo fapa Dr.Lalrinliana Sailo chuan ‘Kum 7 kalta a chatuan ram min pansan ta Ka Pa Brig.Thenphunga Sailo thih champha vawi 7 na a lo thlen hian amah bâkah, thih thlenga a thinlunga lian ber leh vei em em, Mizoram hmasáwnna tûrte kan thinlungah a nung thar a ni” a ti a, “Amah lo thawhpui ṭhinte leh ṭhalai rual, dikna ngaisânga hlemhlêtna do leh hua zawng zawngte kan ram, kan hnam, kan sakhua humhim tûrin neitu thinlung pûin thawk ho zêl tûrin ka sâwm a ni,” a ti.
He hun kaihruaitu Vanlalruata Sr.Vice President pawhin thu sawiin, Brig.T.Sailo khân politics a zawm tirh khân Mizoramin enge kan mamawh? tiin a zir nghal a, Chumi a zirna aṭang chuan Mizoram mamawh milpuiin, tun thlenga la sawi leh hmâ pawh lak zêl la ngai 6 basic needs kha duangin a bawhzui ta a ni ti a, heng bâka a hma lâk ṭhenkhatte a tarlang a, Thansangi Huha Women Wing President chuan hunserh a hmang a ni.