Vawiin, Chapchar Kut pualin Governor Hari Babu Kambhampati chuan Mizoram mipuite duhsakna chibai a buk.
Governor chuan duh ang thala hlim leh lawm taka Kut hman a chakawm tehlul nen, hrileng vangin a theih ta si loh, tiin heti chung hian Mizo mipuite chu an zavaiin Kutpui boruakin a chenchilh vek tho va a rin thu a sawi a. He hun hi an awmna theuhah, a remchan dan anga hlim taka hman tum turin mipui a chah a.
He hunah hian Zonun-mawi – Tlawmngaihna, Rinawmna leh aia upa zah nachang hriat kawngah infuihtawn theuh a, Zonunmawi tivul chhun-zawmtu ni theuh turin mipui a chah a. Mizo khawtlang nunah midangte nena inrem taka awm tumna te, midang te tanpui duhna leh remna leh muanna a awm theihna atana mahni tihtur hriat kawngah te midangte entawn tur a tam hlea a hmuh thu pawh Governor hian a sawi a ni.