Nimina Assembly Budget Session-a Minister demand sawihonaah Serchhip Bialtu MLA chuan nikuma Serchhip District hospital-ah Laldinpuii naute thihna chungchang sawi chhuakin, he thil thlen dan chhuitu, Magisterial enquiry la tura ruat Serchhip DC chuan a chhuina report a thehluh tawh thu sawilangin, a report copy pawh amah pawhin a dawng tawh tih a sawi a, he report-ah hian a chhuitu chuan, “Independent group of doctors from outside, Serchhipa thawk doctor ni lo, hmundanga mite team-in hemia ka hmachhawp hi rawn chhunzawm teh se tih chu a recommendation a ni a, chu chu tih a ni tawh em? tiin zawhna a siam a.
Hei hi Health Minister Dr. R.Lalthangliana chuan chhangin, “Serchhipa Pi Laldinpuii chunga thil thleng kha pawi kan ti khawp mai a, engpawh nisela, thil a kal mek a, rei lutuk a nih tawh ka ring lova, thil han tih chhoh velah, khilai bawr vela thil engemaw va tihna turah Covid an lo vei ve si laiah khan kan kal chak thei lo,” tiin a sawi a, “Kan la in-update zel thei turah ngai ang,” a ti bawk.