Taxation Minister Lalchamliana chuan Mizoram sawrkarin Petrol leh diesel chhiah a tihpun hnu June 2020 鈥� March 2021 chhungin sawrkarin cheng vbch 84.56 a la lut tih sawiin a punna chu cheng nuai 13 a ni a ti.
Nimin session-a zawhna chhangin Lalchamliana chuan Mizoram Sawrkar hnuaia Taxation Department-in kum 2020 June atanga Petrol zaa 5 leh Diesel zaa 2.5-a chhiah a pun bik aṭanga sawrkarin Revenue a hmuh belh zat chiah hriat theih a ni lo a ti a, hetihlai hian tun hnaiah Petrol leh Diesel ah VAT Rate chu nasa taka tihhniam ani a ti a, nikum November ni 4 order chhuakah Petrol leh Diesel man dinglai chu cheng 7 ve vea tih hniam a ni tih a sawi a, Petrol man ₹101.30 aṭangin ₹94.30 ah a tlahniam a, Diesel man chu ₹86.37 aṭangin ₹79.36 ah a tlahniam tih a sawi bawk.