Nimin chawhnu dár 3 khan Hangzo Natural Park leh Zo Friendship International-te ṭangkhawp buat-saihin Myanmar ram buai avanga sahimna zawnga Zohnahthlak Mizoram rawn pan te pualin ‘Raltlan Thlahual’ hun hman a ni a, Aizawl leh a chehvela raltlante pualin zanriah buatsaih a ni.
He huna Khuallian R. Lalngheta, Central YMA President chuan thusawiin, Myanmar rama awm kan unauten harsatna an tawk hi pawi kan ti a, hreawm kan tihpui a, kan tawrhpui tak meuh meuh a, in sahimna tur a nih dâwn phawt chuan Mizoram lam rawn pan zel turin kan sawm che u a ni. Unaute chuan a thlum a al kan eiza tur a ni, a ti.
Khawltinsiami, MP, Kalemyo Constituency pawhin Raltlante aiawhin thu a sawi a, “Kan inpuiah kan lo tlanchhia a, Mizo mipuite zingah min ngai theilo hmel leh hmel hlimawm lo kan la hmu lote hi kan lawm hle a ni,” a ti.
He hunah hian Myanmar sawrkara MP 21 te leh raltlan engemawzat an tel a, Mizoram Rural Bank Chairman V.Jaya Chandra chuan raltlanten an mamawha an hman turin cheng nuai 10 a hlan bawk.