Zothlifim Logo
Loading ...

Sports minister Robert Romawia Royte chuan Serchhip Sports Complex chhunga Sports Stadium enkawl hna chu Serchhip District Sports Committee kutah hlan a la ni lo tih ZPM MLA Lalduhoma zawhna chhangin a sawi a, “District Committee din dan turah Mizoram State Sports Policy 2020 anga ruahmanna thar siam a la peih loh vang a ni,” a ti.

MNF member Lawmawma Tochhawng zawhna chhangin minister chuan sports hmasawnna atan central sawrkar, ministry hrang hrang aṭanga sum hmuh te hi centralin Mizoram hmuh tura a dah hran bik a ni lova, state hrang hrangten project siama dilna an thehluh aṭanga central sawrkarin pektlaka a ngaihte a pek a ni a, Mizoram sumin a tawrh phah lo tih a sawi a, Central sector scheme za-a za central-in a tumah project cost aṭangin 7% chu state kutah a lut a, Mizoram chhunga contractor te, nitina inhlawhfa ṭhin te leh bungraw chi hrang hrang zuartuten sum an lo hmuh ve ṭhin avangin Mizoram sumin a tawrh phah lo mai ni lovin an hlawkpui em em zawk a ni a ti.