Zothlifim Logo
Loading ...

Nimin khan Power & Electricity Minister R.Lalzirliana hovin Department hrang hrang Environment, Forest & Climate Change Department, Soil & Water Conservation Department, Land Revenue and Settlement Department, Tourism Department, Fisheries Department, Deputy Commissioner, Kolasib District, YMA Sub-Headquarters, Kolasib leh Power & Electricity Department-a mite chuan Serlui ‘B’ Small Hydel Project-a tui luang lût tlêm zel bakah sangha leh nungcha dangte humhalhna kawngah leh, a lui kam vela ramngaw tihchereu zel a nih avanga leilung luangral tuikhuah chhunga lût avanga reilote-a tui tling awm thei mang lo tur hial a nih dawn avangin engtia hma-lak tur nge tih sawiho a ni.

Meeting-ah hian mipuiten Mizorama kan tuihnate humhalh a ṭulzia kan hriat a ṭul tih sawi lan niin, chumi atan chuan mipuiten hma kan lak ṭheuh a ṭul hle tih an sawi a, Mizorama Hydro Electric Project siamna hmun luite phei chu humhalh leh zual a ngai hle a ni tih mipuiten kan hriat a ṭul takzet a ni, an ti.

Meeting chuan Mizoramin Hydro Electric Project kan ta bil kan neih len ber Serlui ‘B’ Project bik chu humhalh a ṭul takzet tih sawiin, hemi humhalhna tura hma lo la turin Field Monitoring Team, Deputy Commissioner, Kolasib District kaihhruaina hnuaiah din nise tiin thu tihtluk a ni a, he committee hian chak takin hma a la nghal dawn a, mipuite ṭawiawmna an ngen nghal a ni.