Serchhip Ṭhalai Pawl chuan nimin tlai khan Serchhip Field venga chhungkaw pakhat hnenah eizawnna bul an ṭan theihna turin Kuhva rah, a kawrpui khehna leh a thelna khawl leh sumfai an hlan.
Serchhip Ṭhalai Pawl-in nimina khawl pahnih an pek Serchhip Field Venga cheng chungkua hi hmeithai niin, amah hi ṭawng thei lo a ni a, taksa hrisel lohna avangin hun engemawchen chu damdawi inah a awm tawh a, hetihlai hian an chhungkuaa hnathawktu ber an monu chu a kal nâ vangin hna thawk hlei thei lovin hun engemawchen a awm tawh bawk a, Serchhip Ṭhalai Pawl chuan an chhungkua-in an eizawnna bul an ṭan ve theihna tur ngaih-tuahpuiin, an pualin vehbur an khawn a, sum tlingkhawm aṭangin kuhva kawrpui khehna leh kuhva rah thel mamna khawl chu ₹13000/-in an leisak a, khawl an leina baka pawisa la chuang ₹4,500/- chu a pawisafaiin an hlan tel bawk a ni.