Kumin March thla aṭanga vawk pul hri African Swine Fever (ASF) leng nawn leh chuan Mizoram-a district 6-a tuam mek a, ASF avangin Mizoram hmun hrang hrangah nimin khan vawk 32 a thi tih chhinchhiah a ni aa, vawk 183 suat a ni bawk.
Vawk pul hri hian Mizoram district 6-a tuam mek a, veng leh khua 31 ten an tuar mek a, veng leh khua 21-te chu vawk hri lenna hmuna rinhlelh an ni bawk a ni.
He hri a len leh hnu kumin March thla atanga nimin thleng khan Mizoram hmun hrang hrangah vawk 1958 a thi tawh a, vawk suat tawh zawng zawng zat chu 1090 a tling tawh bawk.
African Swine Fever avanga rinhlelh a thi tawh zawng zawng chu 439 a ni a, heng vawk thi te hi a thih chhan finfiah a ni lo a ni.