Assam tuilian chu district 26-a mi nuai 4 chuangin an tuar tawh a. Sipai, National Disaster Response Force (NDRF), State Disaster Response Force, leh tualchhung thuneituten tuilian tuarte chhawmdawl hna theih tawpin an thawk mek a ni.
Nimin thleng khan tuilian avanga chhiatna thlengah mi 8 an thi tawh a, mi 40,000 chuang chu hmun him lamah sawn chhuah tawh an ni a, Diuma Hasao, Hojai leh Barak valley-te chu tuilian tuar nasa zual an ni.
Hetihlai hian Northeast Frontier Railway chuan Assam chhim lama rel kawng chhia siam turin ngawrh takin an thawk a, NF Railway hotute sawidanin Dima Hasao district-ah hian hmun 50 aṭanga 60 velah rel kawng hi a chhia a ni.
Union Home Minister Amit Shah chuan Assam hmun ṭhenkhata ruahsur nasa avanga chhiatna thleng chu pawi a tih thu a sawi a, Union Home Minister hian Assam CM Himanta Biswa Sarma pawh biain chhiatna thlen dante a zawtfiah a ni.