Nizan hmasa khan Chawngteah tualthahna a thleng a, Kamalanagar II-a he thil thlengah hian Rajib Chakma (36) a thi a, CADC MDC Kusum Lota Chakma chuan hliam a tuar bawk.
Thulakna tarlan danin nizan hmasa dar 9 vel khan B.Ushaton Chakma, Tatamoni tia hriat chuan hriamhrei lekin khawlaiah a inhrosaa, an ṭhenawm Kusum Lota Chakma chu a bei a, Rajiv Chakma hian ṭhelh a tumna lamah kut tuarin a thi ta a ni.
He thil thlen chhan hi hriat a la ni lo a, pawikhawihtu B.Ushaton Chakma hi Police-ten la nghalin, thil awmzia chhuichian mek a ni a, hliam tuar, MDC Kusum Lota hi a ngaihtuahawm loh niin an sawi a, nunna chân ta hian a nupui naupai mek leh fa kum 13 leh kum 8 mi a kalsan a, nimin khan District Hospital Lawngtlai ah Postmortem a ni.