Skip to content
Home » Chanchinthar » District 9-ah Fall Armyworm puang mek

District 9-ah Fall Armyworm puang mek

Fall Armyworm pangang chu Mizoram district 9-a vaimim chinna hmun hectare 490 chuangah puang mek.

Agriculture department hotute sawi danin Fall armyworm pangang hi district 9-a khaw 89-ah vaimim chingtute’n an buaipui mek a, chhungkaw 2,000 aia tam harsatna a thlen mek a, hmun ṭhenkhatah chuan vaimim ṭiak tir a kung leh a hnah a ei chhe nasa hman a, hmun ṭhenkhatah erawh chuan rannung thahna hlo an hman hma avangin vaimim kungin a tawrh hman hmaa thah rem a ni. District 9 zingah hian Lunglei district-ah vaimim chinna ram hectare 287-ah pangang hian vaimim a khawih a, Mamit district-ah hectare 93.6, Kolasib district-ah hectare 69.7 leh Aizawl district-ah hectare 38.4-ah te he pangang hi hmuh a ni a. Serchhip leh Hnahthial district-ah chuan pangang hian vaimim bâwm ve bawk mahse, a nasa lova, Khaw-zawl leh Siaha district aṭangin report dawn a la ni lo bawk.

Leave a Reply

This site uses Akismet to reduce spam. Learn how your comment data is processed.