Skip to content
Home » Chanchinthar » Football thuthang (21.5.2021)

Football thuthang (21.5.2021)

@ Paul Pogba chuan Manchester City chu mimal thilah inremna neihpui mahse Manchester United aṭanga insawnna atan chuan a duh lo a, a chhan chu kum 29 mi hian United supporter-ten an deuhsawh tur chu a duh lo a ni. (Times)

@ Pogba hi a club hlui Juventus pawhin lakluh an la tum reng a, Chelsea aṭanga Italy midfielder Jorginho an lakluh bakah Pogba hi lakluh an la beisei reng a ni. (Gazzetta dello Sport)

@ Paris St-Germain star Kylian Mbappe chuan tun Pathianni hian a hmalam hun tur a puang chiang dawn a, kum 23 mi hi Real Madrid nen hunrei tak sawi zawm an lo ni tawh a ni. (L’Equipe)

@ Arsenal, Newcastle United leh Everton-te chuan Barcelona forward Memphis Depay, 28, chu an ngaihven hlawm. (Sport)

@ Argentina forward Paulo Dybala chuan kumin nipuia a contract a hman zawh hunah Juventus a chhuahsan tur thu a tihchian hnuah a club thar tur a zawng mek a, Tottenham erawh chu kum 28 mi hian pan a tum lo a ni. (AS)

@ Barcelona chuan Bayern Munich striker Robert Lewandowski lakluh chu ngaih pawimawhah an la nei zel a, kum 2025 thleng contract ziak turin an dawr a, hetihlai hian kum 33 mi Lewandowski pawh hian club dang biak a la nei lo a ni. (Fabrizio Romano)

@ Arsenal chuan kum 2019-a an player man to ber ni tura £72m-a an lei Ivory Coast winger kum 26 mi, Nicolas Pepe chu kumin nipui hian cheng tam tak hloh chunga hralh turin an inpeih tawh. (Football Insider)

Leave a Reply

This site uses Akismet to reduce spam. Learn how your comment data is processed.