@ Barcelona coach Xavi chuan Bayern Munich striker kum 33 mi, Robert Lewandowski chu an biak mek thu a nemnghet. (Goal)
@ Kumin nipuia Manchester United-a contract hmang zo tur Paul Pogba chu a tawpna atana dawr leh tumin Paris St-Germain chu an inbuatsaih mek a, hetihlai hian Juventus chuan France midfielder kum 29 mi hi season khata £10m hlawh theihna kum 3 daih contract ziakpui turin an inringtawk hle a ni. (Mail)
@ France forward Kylian Mbape, 23, chuan Real Madrid president Florentino Perez hnenah text message hmangin Paris St-Germain-a châm zui turin thutlukna a siam tih a hriattir. (Express)
@ Real hian Mbappe an lalut thei dawn lo a nih chuan Monaco aṭangin France midfielder Aurelien Tchoameni, 22, chu lakluh an tum dawn. (Marca)
@ Liverpool chuan Sadio Mane chu contract pawtsei turin an dawr dawn a, mahse Senegal forward kum 30 mi hlawh hi tihpunsak vak erawh an tum lo a, Mane hian a contract neih laiah hian kum 1 chiah a nei tawh a ni. (Football Insider)
@ Chelsea manager Thomas Tuchel chuan goal thun lama harsatna an neih sutkian nan forward thar lakluh a tum dawn. (Guardian)
@ Real Madrid boss Carlo Ancelotti chuan Spain midfielder hlui Isco, 30, chuan tun season tawpa a contract neih lai a hman zawh hunah club a chhuahsan dawn tih a sawi. (Mail)
@ Inter Milan chuan Croatia winger Ivan Perisic chu Totenham, Chelsea leh Juventus-ten ngaihven mahse contract thar ziak turin an duh. (Mail)
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117