Italy lamah pawh nizan khan Serie A season khâr a ni a, AC Milan chuan 3-0-a Sassuolo sawpin a ṭum 19-na atan Serie A title an chawi ve leh ta a, hetihlai hian hei hi kum 11 chhunga Serie A title an chawi lehna hmasa ber a ni thung a ni.
He inkhelah hian Olivier Giroud chuan goal 2 thunin, Franck Kessie chuan goal khat a thun a ni.
Inter Milan pawhin 3-0-in Sampdoria hneh ve mahse AC Milan an lo chak ve tho avangin AC Milan aia point 2-a hniamin season an khâr a, Napoli chuan 3-0 bawkin Spezia lakah hnehna an chang a, 3-naah an awm a, season hmang ṭha lo tak Juventus chu 4-naah an awm a, Champions League an khel phak hram a ni.