Union Finance Minister Nirmala Sitharaman-i chuan kumin chhungin sawrkar chuan Pradhan Mantri Ujjwala Yojana (PMUY) hamṭhatna dawngtute tan eirawngbawlna gas bur khatah ₹200 zel, kum khat chhungin bur 12-ah a tumsak dawn tih a sawi a, hemi atan hian cheng Vbch 6100 zet kum khat chhungin sen a ni dawn a ni.
Sawrkar chuan plastic aṭanga thil siamchhuah siamna hmanruaa chhiah lak a tihniam bawk a, hei hian plastic bungraw man a tihniam dawn a, Union Finance Minister chuan thir lam chi, iron leh steel siam chhuahna hmanruaa chhiah lak tihhiam a nih thu a sawi bawk a, hei pawh hian thir lam chi iron leh steel man a tihniam bawk ang a, Cement man pawh tihhniam tuma hmalak mek a nih thu a sawi bawk.
Hetihrual hian ram pumah Petrol man pawh liter khatah ₹9.50-a tihhniam a ni a, diesel man chu liter khatah ₹7-a tihhniam a ni bawk a ni.