MNF chuan nimin khan thuchhuah siamin, May ni 5, 2022-a inthlan neih zawh tak, Mara Autonomous District Council-ah hun engngemaw chen sawrkarna siam thei awm lova boruak a chiri hnua MNF leh Congress ṭangrual sawrkar thar a piang thei tur chu lawmawm an tih thu an sawi.
MNF chuan thuchhuah an siamah chuan MADC-a sawrkar thar a pian theihna tura party pahnih – MNF leh Congress hotute inpekna a fakawm an tih thu leh, sawrkar ṭha leh ngelnghet, Mara ram tana chenfakawm a din theih nan MNF duhsakna an hlan tih an tarlang bawk.