BJP Mizoram Pradesh President Vanlal-hmuaka chuan Mizoram Politics-a a vawi khat nana MNF leh Congress Party an thawkdun chuan party kal dan phung mumal nei lo, lalna leh thuneihna chiah duh an nihzia a tilang chiang hle a ni, a ti.
Nimina BJP Mizoram Pradesh Political Session-ah thusawiin Vanlalhmuaka chuan Inthlan lai aṭangin party inhal ber MNF leh Congress chuan BJP chu an beih ber a ni tawh a, Mara mipuite’n MNF emaw Congress-ah emaw rinna an nghat tawh lova, mipuite duhthlanna neitu chu BJP Party a ni tih seat lak dan aṭangin a chiang tawh a. Mipuite duh dan lovin Seat tlemte chauh hmu Congress Party aṭanga Chief Executive Member (CEM) dah a nite hian lalna chauh atchilha politics an kalpui dan a tarlang a ni, a ti.
Dr BD Chakma MLA, State Vice President pawhin thusawiin, tuna sawrkarna siam tum mekte hi sawrkar thianghlim lo leh bawlhhlawh tak atanga siam a ni a, hei vang hian sawrkar an siam a nih pawhin rei tak an kal thei dawn lo a ti.