Serchhip District Volleyball Championship 2022 chu New Serchhip Volleyball Court-ah khelh chhunzawm zel niin, nimin khan mipa lamah pool match khelh zawh niin, team 8-ten quarter final an lut fel ta a, vawiin hian quarter final khelh a ni ang.
Nimin khan mipa lamah Hriangtlang chuan 25-23,26-24-in Darnam an hneh a, Bungtlang-in 25-23, 25-18-in New Serchhip an hneh a, Chanmari-in 25-23, 26-24-in Thenzawl an hneh a, Vengchung-in 19-25, 25-13, 15-3-in Darnam an hneh a, Keitum Kawnveng-in 17-25, 25-21, 15-12-in Bungtlang an hneh bawk.
Hmeichhe lamah Biakmuana Memorial VC chuan 25-23, 25-16-in Bungtlang an hneh a, Vengchung-in 25-17, 25-13-in Chanmari an hneh a, Biakmuana Memorial VC chuan 11-25, 25-15, 25-12-in Dinthar an hneh bawk.
Vawiin chawhma dar 9 aṭangin inkhel hi chhunzawm leh a ni ang a, hmeichhe lamin khel hmasa-in, hmeichhiaah Chanmari leh Bungtlang, Dinthar leh Vengchung bakah, Chanmari leh Biakmuana Memorial VC-te an inkhel dawn a, Mipa Quarter Finals khelh nghal a ni dawn a, quarterfinal-ah hian Chanmari leh Hriangtlang an inkhel ang a, Vengchung leh Thenzawl, Highland Brothers Khawbel leh Bungtlang bakah Keiṭum Kawn Veng leh Chhim Vengte an inkhel bawk ang.