Skip to content
Home » Chanchinthar » Vawiinah President lo kal dawn

Vawiinah President lo kal dawn

Vawiin hian President Ram Nath Kovind chuan Mizoram a rawn tlawh dawn a, naktuk, Zirtawp-niah a kir leh ang.

President Ram Nath Kovind hi Mizoram vawi 2 a rawn tlawhna tur a ni dawn a, Nilaini aṭang khan Assam state-ah hun a hmang a, vawiin chawhma dar 11:25-ah Lengpui Airport-ah a lo ṭum ang a, a programme duanfel tawh angin President lo zin tur hi Lengpui Airport-a a lo ṭum hnuah Helicopter-in Ṭhuampui Helipad a pan ang a, Helipad aṭang hian motor-in Aizawl Raj Bhavan a pan dawn a ni.

Hemi ni tlai lam dar 4 – 5 inkarah Mizoram University Convocation hmanpuiin, zan dar 7-ah Raj Bhavan-a Cultural Programme Mizoram Governor Dr Hari Babu Kambhampati buatsaih a hmanpui ang a, Raj Bhavan-ah hian zan riakin, a tuk zing dar 10:45-ah Mizoram chhuahsanin Delhi a pan dawn a ni.

India President lo kal tur avang hian a paltlang tur hmun hrang hrangah venhimna khauh taka kalpui a ni.

Leave a Reply

This site uses Akismet to reduce spam. Learn how your comment data is processed.