Tanhrila State Training Centre-a 1 Mizo Air Squadron NCC Combined Annual Training Camp kharna chu Sports Minister Robert Romawia Royte-in a hmanpui.

Robert Romawia Royte chuan Mizoram chhim lam district 4-te huam turin Lungleiah 2 Mizo Battalion NCC din a nih tur thu a sawi a, Cabinet-in a pawm vek tawh thu leh, kumin July thla hian kalpui tan tura ruahhmanna peih fel a nih tawh thu a sawi.

He Camp-ah hian Mizoram district hrang hrang school leh college 24 aṭangin Cadet 400 chuang an tel a, Training chi hrang hrang – .22 Rifle Firing, Skeet shooting, Arms drill, Foot drill, Cultural Programme te neiin Lengpui Airport-ah Commanding Officer Squadron Leader MK Singh kaihhruaina hnuaiah Flying class neih a ni bawk a, Lecture chi hrang hrang – Fire prevention, HIV awareness, Environmental campaign, Aero modelling leh adangte a mithiamten zirtirna hun an hmang a ni.