ZPM Thalai Headquarters chuan Mizoram sawrkârin Mizoram State Health Care Scheme sum indaihlohna phuhrûkna tura Asian Development Bank aṭanga loan cheng nuai 1,000/- pûk a tum hi, Chief Minister Zoramthanga’n opposition-a a awm laia NLUP chungchânga Congress sawrkâr a kahna, ‘Bang chhak lam sahthlâk a, bang thlang lama bel ang’, a tih nen khan thuhmun rengah an ngai tih sawiin, sum enkawl chungchângah MNF sawrkâr chu Congress sawrkâr ang chiah khan an hlawhchham a ni, an ti bawk.
Nimina thuchhuah an siamah ZPM Thalai Headquarters chuan Chief Minister-in Assembly House chhûngah meuh, a dam lo apiângin an hman tur cheng nuai 2 thlenga dahsa a nih thu a sawi tawh hnuah pawh Health care sum ba tâng cheng vaibelchhe 70 chuâng a awm leh cheng tam tak pûk ngaia an awm hi mak an tih thu an sawi a, a damlo apiangin an hman tur atana ruahman sa Rs.2,00,000 ṭheuh kha kan Chief Minister hian bang chhak lam sahthlâk a, bang thlang lam belna atân a hmang ta mai em ni? tih hi kan zawhna a ni, an ti.