Chief Minister Zoramthanga chuan nimin khan Mizoram Cooperative Apex Bank Annual General Assembly vawi 27-na, Vanapa Hall-a buatsaihah khuallian niin hun a hmanpui. Cooperation Minister C. Lalrinsanga chu khualzahawm a ni.
CM chuan mipuiin kan ramin malsawmna a dawn – lei nghenga eizawnna, intodelh mai bakah hausakna tham asset a neih chu taima leh remhre taka hman ṭangkai nachang hriat a, hma lak pawimawh a tih thu a sawi.
MCAB Ltd. hi kum 40 a upa a ni tawh a, Bank inrelbawlna hi Board of Directors kuta awm niin BoD-ah hian member 10 an awm a, Bank branch 22 awmin, CBS a thlunzawm vek an ni a, Mizo ṭawnga hman theihna ATM 22 leh Mobile ATM Van 2 an nei mek a ni.