Zothlifim Logo
Loading ...

French Open khelh mekah 20th seed Marin Cilic chuan 7th seed Andrey Rublev chu set 4-ah hnehin, a vawi khat nan French Open semi-final a lut.

Cilic hian darkar 4 an inkhelh hnuah 5-7, 6-3, 6-4, 3-6, 7-6 (10-2)-in Rublev hi a hneh a, semi-final-ah hian
Casper Ruud a hmachhawn dawn a, Norway player, 8th seed Ruud hian semi-final thleng turin Denmark rawlthar kum 19 mi Holger Rune chu 6-1, 4-6, 7-6 (7-2), 6-3-in a hneh a ni.

Kum 2014 French Open champion Cilic hi kum 33-a upa a ni tawh a, tuna tennis la khel player zingah Grand Slam zawng zawnga semifinal lut thei pangana a ni a, Novak Djokovic, Rafael Nadal, Roger Federer leh Andy Murray-te a nihrual a, hetih lai hian Ruud hi kumina mipa singles match khel hnem ber (64) a nih bakah kuminah tho final lut hnem ber (8) a ni bawk.

Mipa semi-final hi vawiinah khelh a ni dawn a, tlai dar 6:15-ah Rafael Nadal leh Alexander Zverev-te an inkhel ang a, zan dar 9-ah Ruud leh Cilic-te an inkhel leh ang.