Skip to content
Home » Chanchinthar » French Open: French Open Final-a Swiatek leh Gauff

French Open: French Open Final-a Swiatek leh Gauff

American tleirawl Coco Gauff chuan Grand Slam final a thlen vawi khatna ni turin French Open semi-final-ah Italian unseeded Martina Trevisan chu a hneh a, final-ah world number one Iga Swiatek a hmachhawn dawn a ni.

Kum 18 mi, Gauff hian Paris clay court-a semi-final a thlen hmasakna berah hian Trevisan hi straight set 6-3, 6-1-in a hneh a, Swiatek hian final thleng tur hian 20th seed Daria Kasatkina chu straight set 6-2, 6-1-in a hneh bawk a, Swiatek hi a zawnin match 34 a chak ta a, Grand Slam final a thlen vawi hnihna tur a ni a, 2020 Rolland Garros champions, Swiatek hian tun ṭumah hian set khat chiah a la hloh a ni.

18th seed Gauff hi kum 2001-a Kim Clijsters hnua Rolland Garros-a final thleng leh thei naupang ber a ni bawk a ni.

Womens’ Singles final hi India sanaa Inrinni tlai dar 6:30-ah khelh a ni ang.

Leave a Reply

This site uses Akismet to reduce spam. Learn how your comment data is processed.