Zothlifim Logo
Loading ...

Serchhip Sports Complex-a khelh mek F.Zothanmawia Memorial Inter-Branch YMA Football Tournament-ah nimin khan Group match khelh zawh a ni a, nimin inkhelah Chhiahtlang Kawn Veng Branch leh S.Kawnpui South Branch-te 2-2-in an inhnehtawk a, inkhel dangah New Serchhip Venglai Branch leh Hmar Veng Branch-te goal awm lova inhnehtawkin, P&E Veng Branch-in 7-0-in New Serchhp North Branch an hneh a, Chhekhnai Branch in 4-1-in Chanmari Branch an hneh bawk.

Heti hian Group A aṭangin Chhim Veng Branch leh S.Kawnpui North Branch-ten Q/F an lut a, Group B aṭangin Vengchung Branch leh Field Veng Branch, Group C aṭangin Chhekhnai Branch leh P&E Branch leh, Group D aṭangin New Serchhip Venglai Branch leh S.Kawnpui South Branch-te an lut bawk a ni.

Vawiin ah inkhel a awm dawn lova, naktukah Quarter Final khelin inkhel hmasa berah Chhim veng Branch leh Field Veng Branch an inkhel ang a, Vengchung Branch leh S.Kawnpui North Branch, Chhekhnai Branch leh S.Kawnpui South Branch leh, New Serchhip Venglai Branch leh P&E Veng Branch te an inkhel zui ang.