Skip to content
Home » Chanchinthar » Lawrkhawm (29.6.2022)

Lawrkhawm (29.6.2022)

Hri kai 6 hmuh belh
Nimin khan Serchhip District-ah Covid-19 hri kai 6 hmuhchhuah belh leh an ni a, hri kai hmuhchhuah belhte hi Police Training School, Thenzawl leh Serchhip Dinthar Veng aṭangin mi pakhat ve ve bakah Thentlang aṭangin mi 4 hmuh belh an ni a, hengte nen hian Serchhip District-a hri kai hmuhchhuah tawh zawng zawng chu 14,051 niin, tunah hian hri kai enkawl 41 awm mekin, mi 13975 enkawl dam an ni tawh a, thihpui hi mi 35 an awm a ni.

Chhiatrupna thlen thulha biakpawh tur
Disaster Management & Rehabilation Department chuan chhiatrupna thlen thulha biakpawh tur a tlang zarh a, Serchhip District-ah chuan District Emergency Operation Centre hi toll free number 1077 leh 03838-222010-ah te biak pawh theih a ni a, State Emergency Operation Centre hi 1070 (Toll Free) / 0389 – 2342520 (Landline) 9366331931 (WhatsApp) 7629072785-ahte biak pawh theih an ni.

Kolasib DISHA
Nimin khan Kolasib DC Conference Hall-ah District Development Monitoring & Coordination Committee (DISHA) an ṭhukhawm a, Chairman Lok Sabha MP C.Lalrosanga chuan Video Conferencing kaltlanga kaihruaiin, Kolasib District huam chhunga hmasawnna hna department hrang hrangten an thawh tawh leh thawh mekte thlirho a ni a, Kolasib bialtu MLA, Minister ni bawk K.Lalrinliana leh Tuirial Bialtu MLA K.Laldawnglianate pawh an tel a ni.

Leave a Reply

This site uses Akismet to reduce spam. Learn how your comment data is processed.