Zothlifim Logo
Loading ...

Mizoram Road Fund Board chu an chairman Chief Minister Zoram-thanga hovin nimin chawhnu khan CM Conference Hall-ah board hmalakna thlirlet leh, rel tur pawimawhte relin an ṭhukhawm a, he meeting-ah hian kum 2021-2022 chhunga kawng enkawl hna thawhte thlirlet niin, Board-in Road maintenance fund hmanna tur a lo approve tawh cheng nuai 4000 chu hman zawh a ni thu tarlang a ni.

Road maintenance fund hmanna hrang hrang te hi – Maintenance Action Plan te, normal maintenance leh bridge maintenance te, PMGSY leh fur ruahtui in a tihchhiat siamṭhatna te a ni.

Meetingah hian The Mizoram Road Fund (Amendment) Act, 2016-in economic emaw social lam aṭanga kawng pawimawh bik, sawrkarin a notify ṭhinte tia a sawi Core-Road network chungchang te, fund collection leh collecting agent chungchang te sawiho a ni a. Kum 2022-2023 atana Normal/Routine Maintenance of Roads, Maintenance Ation Plan, Maintenance of Completed PMGSY Roads, Maintenance of Bridges leh Monsoon Damage Repair tur atana chhawpchhuah te, cheng nuai 4000 hmanna tur chu pawm a ni bawk.

Mizoram Road Fund Board-ah hian Chief Minister Zoramthanga chu PWD changtu a nih angin Chairman a ni a, Chief Secretary chu Vice-Chairman niin, Secretary PWD chu Member Secretary a ni a, a kaihhnawih sawrkar department-te, AMC, LADC, MADC, CADC aiawhte, ZDU, MTOA, MRTU leh tlawmngai pawl ṭhenkhat aiawh an tel bawk.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117