Nimin khan Er. Lalrinawma, Dy. Speaker, Tuikum bialtu MLA chuan a bial chhung khua Dar-lawnga MLA Fund hmanga thawh khaw chhung lane kawng PCC Flooring leh khawtlangin Kuva an chinna hmun panna tur laih mekte a tlawh a, khawtlang hruaitute nen inkawmna hun an hmang bawk.
Inkawmhonaah hian Er. Lalrinawma chuan, hriselna, eizawnna leh zirnate chu a ngaih pawimawh hmasak ber ber te an ni thu sawiin, a bial chhungah pawh heng thil pathumtea hmasawnna a awm theih nan theihtawp a chhuah ṭhin tih a sawi a, hmalakna an neih theih chhan leh hmasawn duhawm tak tak an hmuh theihna chhan chu bial mipuiten an thawhpui ṭhat vang a ni tih sawiin a bial chhunga hmasawnna tun hnaia thawhte a tarlang bawk.
Darlawng khawtlangin hmasawn zel tuma an beihna a faka, Kuva hmun zau tham tak buatsaih tuma an beih mekna pawh a hlawhtlin ngei a beisei thu leh a theih chin china a ṭanpui zel tur thu a hrilh a ni.