Nimin tlai khan Serchhip Darnam vengah KRAM Company cement chawhna khawl lian phurtu lirthei chesualin mi pakhatin nunna a chân.
NHIDCL hnuaia NH-54 kawng siam hnathawktu KRAM company lirthei, Cement mixer motor lian hi nimin tlai dar 5:30 vel khan Darnam Veng kawng thlang-ah a tlan liam a, he motor-ah hian mi 4 an chuang a, labour Anand Das (25), Karimganj, Assam chu an chetsualna hmun aṭanga lak chhuah rualin a thi.
He cement mixer motor hi tun hnai ruahsurin Tuikhuah venga NH-54 lei khi hnawhphui hna an thawk haw lam niin, mi 4 chuang zinga pahnih an hliam a, pakhat hi a tlan liam hma-in a zuang chhuak hman a, hliam tuar pahnih zinga pakhat zawk, Rubi Das hi a na deuh a, Operator Sunil Das erawh a ngaihtuahawm lutuk lo nia hriat a ni.