Zothlifim Logo
Loading ...

Sadio Mane chuan Liverpool aṭangin £35m-in Bayern Munich a zawmfel ta a, kum 3 daih contract a ziak a ni.

Mane manah hian Liverpool chuan euro 32m (£27.4m) an dawng phawt a, a khelh dan a zirin euro 6m bakah mimal leh team hlawhtlinna chan dan a zirin euro 3m pek belh leh a la ni dawn a ni.

Senegal forward Mane hian nakum nipui thleng chiah Liverpool-ah contract a nei tawh a, Bayern Munich nena a man tura inremna an neih hma hian ṭum 2 chu Liverpool hian Bayern lei dilna hi an hnawl hman a ni.

Mane hian kum 2016 June khan Southampton aṭangin Liverpool hi £34m-in a zawm a, Liverpool tan game 269 a khelh aṭangin goal 120 a thun hman a, season liam ta khan competition hrang hrangah goal 23 a thun a ni.

Liverpool-a a awm chhung hian Champions League leh Premier League a chawi hman a, kumin February thla khan Senegal-in Africa Cup of Nations-a a vawi khatna an champion theihna turin final-ah penalty aṭangin an chakna goal a thun nghe nghe a ni.