Aizawl Rotary Club chuan mi harsa te tan a thlawnin tarmit a siamsak.
Aizawl Rotary Club chuan Advertisement chhuahin zirlai naupang kum 5-18 inkarte tan whatsapp hmanga an harsatna thehlut tura an tih hnuah naupang 134 hming thehluh a ni a, heng naupang tarmitte hi siam niin, tunah hian 32 sem chhuah a ni tawh a ni.
Aizawl Rotary Club chuan Basic education and Literacy hnuaiah Rotary India literacy mission program an kalpui a, tun Covid hripui hunlai khan naupangte School pangngai kal lovin E- Learning platform ah zirna pek an ni a, naupang school kai te zingah mit lama harsatna a bik takin Myopia (thil hla hmuh fiah theih lohna) a siam nasa tih hriat a ni an ti.
September 2021 khan Rotary India Literacy Mission chuan Vision Spring pawl nen ṭanghovin UJJWAL DHRISTI ABHIYAN programme tlangzarh a ni a. Chhungkaw harsa a naupang mit lama harsatna neite tan a thlawna naupang nuai khat tan tarmit pek a intiam a ni.