India sawrkar enkawl Sports Authority of India (SAI), Aizawl-a Boxer lut tur thlanna result chu nimin khan tihchhuah a ni a, Mizoram puma Boxer 11 lak zingah Serchhip District aṭangin Boxer 7 an tling.
Serchhip District aṭanga SAI-a Boxer lut tur thlan tharte chu Remruat-saki (E.Lungdar), Zoremmawii (E.Lungdar), Julie Ngurthansangi (E.Lungdar), Golden K.Lalmalsawmdawnga (N.Vanlai-phai), Jery Lalhmingsanga (Chhingchhip), Vanlalrinngheti (Serchhip) leh Lalngaihmawii (Serchhip)-te an ni a, SAI-ah hian Serchhip District aṭangin TC Malsawmkimi N.Vanlaiphai chu Boxing zirin a awmsa tawh bawk a ni.
Hetianga Serchhip District aṭanga SAI-a awm tur boxer 7 thlan an ni hi Serchhip District Boxing Association (SEDBA) chuan lawmawm a tih thu an sawi.