Serchhip District Table Tennis Association (SDTTA) buatsaih Season Opening Tournament chu nimin tlai dar 4 khan Serchhip Indoor Stadium-a Table Tennis Hall-ah bialtu MLA, Lalduhoma chuan khuallian niin a hawng.

Hawnna inkhawm hi Vanlalchanchinṭhahrilmawia, president, SDDTA kaihhruaiah hian khuallian, Lalduhoma leh khualzah-awm, Vanlalhruaia, Secretary, Serchhip District Sports Committee-ten thu an sawi a, Laltlankima, Secretary, SDTTA leh Zoramthanga Ralte, Chief Referee-te hnen aṭangin report ngaih-thlak a ni a, North East Games neih zawh taka Mizoram tana Table Tennis-a Silver Medal latu, Lalruatpuia, Serchhip chawimawina hun hman a ni bawk.

Season Opening Tournament hi Inrinni khian zawhfel tum a ni.