Nimin aṭang khan Wimbledon chu khelh ṭan a ni ta a, khelh ṭan ni-ah champion lai Novak Djokovic inlan-in second round a invaw kai.
Top seed Djokovic hian a hmachhawn South Korean world number 81 Kwon Soon-Woo hi set 4 khelhpuiin, 6-3, 3-6,6-3, 6-4-in a hneh a, heti hian Djokovic hi Grand Slam 4-a singles-a match 80 ṭheuh hnehna chang thei hmasa ber a ni ta a ni.
Hetihlai hian nikuma Daniil Medvedev leh Roger Federer-te hneha semi-final thleng thei, seventh seed Hubert Hurkacz chu first round-ah a tla nghal a, Alejandro Davidovich Fokina lakah 7-6 (7-4), 6-4, 5-7, 2-6, 7-6 (10-8)-in a chak lo a ni.
Hmeichhe lamah world number two, third seed Ons Jabeur chuan qualifier Mirjam Bjorklund chu straight set, 6-1, 6-3-in a paltlang a, second seed Anett Kontaveit pawhin 7-5, 6-1-a Bernarda Pera hnehin second round a lut ve bawk.
Vawiin tlai dar 6-ah hmeichhe lamah top seed Iga Swiatek chuan Jana Fett hmachhawnin bul a ṭan dawn a, zan dar 9:15 velah Serena William pawhin a match hmasa ber a khel ang. Mipa lamah zanin dar 7:15 velah second seed Rafael Nadal chuan Francisco Cerundolo hmachhawnin a match hmasa ber a khel ve bawk ang.