Manipur sawrkar chuan state chhunga COVID-19 hri kai an pun chak leh tak avangin tun thla ni 24 thleng zirna in zawng zawng a khar.
State Education Department thuchhuah danin stqate chhungah hri kai zat an pung zel a, sample test aṭanga positive hmuhchhuah zat chu zaa 15-te a ni a, hetihlai hian naupang kum 12 hnuai lamte vaccine pek hmabak an la tam bawk si avangin hri an kai theihna a sâng hle a ni a ti.
Manipurah hian darkar 24 chhungin hri kai 59 hmuhchhuah a ni a, Sample test zawng zawng 379 atangin zaa 15.6 an positive a. Tun dinhmunah hri vei enkawl lai hi 216 an awm a, darkar 24 chhungin thihpui an awm lo thung a ni.