Lalmuansanga Ralte, Addl. Deputy Commissioner, Serchhip District chuan Mizoram Sawrkar Disaster Management & Rehabilitation Department-in ni 11.7.2022-a lehkha a tihchhuah bawhzuina atan leh Covid-19 hri darh zel tur ven nan Serchhip District chhunga mipuite zawm tur hriattirna a tichhuak.

Hriattirna a tihchhuah-ah chuan mitin Covid-19 hri laka kan fihlim theih nan theihtawp chhuaha inven tur a ni tiin, Covid Appropriate Behaviour (CAB)-a mawhphurhna kan neihte ṭha taka zawm vek tura beisei kan ni, a ti a, a bik takin, sakhaw biakinah te, mitthi vuinaah te, inneih inkhawm, sports inelna leh mipui punkhawmna hmun dangah zai leh thusawi laiin hmai tuamna (facemask) vuah ngei tur a ni, a ti.

Mipui punkhawmna hmun, sakhaw biakna hmun leh puipunna dangah te chuan tha taka social distancing zawm tur a ni tih tarlangin, phalna pekna hmuna thil tihhona reng rengah Covid-19 hri darh lohna turin CAB/SOP ṭha taka kengkawh turin thunei-tute beisei an ni tih a tarlang a, Office, dawr, vantlang hmun pawimawhte vawnfai leh tihthianghlim chung-changah a hmunhma thuneitu ṭheuhte’n mawh an phur a, beauty parlour, spa, gym leh lumehna hmunte leh hmanrua chu tihthianghlim (sanitize) fo tur a ni tih a tarlang bawk.