Zothlifim Logo
Loading ...

Art & Culture Minister R.Lalzirliana chuan nimin khan Synod Conference Centre-ah Saihnuna Memorial Society (SAMSO) buatsaih Saihnuna Fanai, Leng Lal chanchin leh hla-te ziaktu hrang hrangin an ziahkhawm, lehkhabu ‘Leng Lal Saihnuna Fanai’ tih chu a tlangzarh.

R Lalzirliana chuan Saihnuna chu lal fing tak leh rorel thiam tak ni chungin a khua leh tuiten an hriat dan ber chu hlaphuah thiam, ngilnei leh zaidam a nihna chu a hlu hle nia a hriat thu a sawi a. Hla chi hrang hrang, Kraws lam hla, rawngbawlna leh thlamuanna hla bakah lusun khawhar hla tha tak tak leh khawtlang lunglen leh lenglawng hla mawi tak tak Zofate min hnutchhiah saktu chanchin leh a hlate a bu a siam a ni chu lawmawm a tih thu a sawi bawk.

Lehkhabu tlangzarh programme hi RD Lalrammawia, Chairman, SAMSO in kaihruaiin, Prof. Rualkhuma Colney Sr. Adviser-in lehkhabu thlirlawkna hun a hmang a ni.

Saihnuna Fanai hi kum 1896-ah piangin, a pa a boral hnu, 1927-ah Leng lal a ni a, kum 1949-ah a boral a, Kum 1921-ah Kristianah inpein, 1924-ah Baptisma a chang a, Mizo Lal zinga chuan hlaphuah thiam leh phuah tam tia hriat lar a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117