Skip to content
Home » Chanchinthar » MP-in license nei mumal loa internet pete chunga hmalak tul a ti

MP-in license nei mumal loa internet pete chunga hmalak tul a ti

Lok Sabja MP C.Lalrosanga chuan Mizorama licence nei mumal lova internet connection lo pechhuak ?hinte an awm ni a sawi chungchangah MP chuan dan ang taka hmalak ṭul a tih thu a sawi bawk.

Lok Sabha MP-ho hian Zirtawpni kalta khan SAD Conference Hall-ah Telephone Advisory Committee meeting neih a ni a, Mizorama BSNL-te hna thawh leh hmalakna hrang hrangte sawiho a ni. TAC Chairman C.Lalrosanga chuan Mizoram hmun hrang hrangah signal ṭhat tawk loh avanga mobile phone hman harsatna la awmte a theih ang anga tihchangtlun leh thuamṭhat a ṭul thu sawiin, a bik takin ramri dep hmun hrang hranga signal awm ṭhat loh avanga mobile phone hman hleih theih lohna hmunahte signal ṭha zawk a awm theih nan ṭanlak thar a ṭul hle a ni a ti a. “Signal ṭhat loh leh chak tawk lohnate thuam ṭha tur hian sum lamah harsatna a awm avangin duh anga hma lak a harsa a, sum harsatna karah ṭhahnemngai taka thawktu, General Manager leh a thawhpui officer leh staff te inpekna chu a lawm-awm a, hma lam pana an thawh zelna turah a tul anga theih tawp chhuahpui ka inhuam reng a ni,” a ti bawk.

MP Rosanga chuan Mizorama inbiakpawhna leh thu thawndarhna lamte thuamthat a nih zel theih nan Communication Minister a dawr tawh thu sawiin BSNL hote harsatna leh mamawhte la hriattir zel a tum thu a sawi a. Mizorama Internet a lo chak zawk theihna tura bandwidth tam zawk a awm theih nan Optical fibre cable la thlen lohna district zawng zawng thlen tir tura thuneitute dawr zui a tum thu a sawi bawk.

Tun dinhmunah hian Mizoram pumah BSNL hnuaiah Mobile connection 2,59,455, Landline connection 6926, FTTH connection 7885, Wi-Fi Hotspot 15, Working Broad Band 2685, Exchanges Wired 39 leh BTSs Mobile 336 a awm mek a ni.

Leave a Reply

This site uses Akismet to reduce spam. Learn how your comment data is processed.