Skip to content
Home » Chanchinthar » Wimbledon: Jabeur hnehin Rybakina a champion

Wimbledon: Jabeur hnehin Rybakina a champion

Kumin Wimbledon chu khelh zawh a ni ta a, Inrinni khan hmeichhe singles final-ah Elena Rybakina chuan third seed Ons Jabeur hnehin a champion a, Rybakina hi Kazakhstan player zinga Grand Slam title la thei hmasa ber a ni ta a ni.

Kum 23 mi, Rybakina hian set hmasa ber a hloh zet hnuah Jabeur hi 3-6, 6-2, 6-2-in a lehthal leh a, kum 2011 hnua Wimbledon singles champion thei naupang ber a ni ta bawk a ni.

Kumin Wimbledon-ah hian Russia-in Ukraine a run avangin Russia leh a thurualpui Belarus player-te chu khelh phalsak an ni lova, Rybakina hi Moscow-a piang a ni a, mahse Kazakhstan hian sum lama a ṭanpui nasat zawk avangin kum 2018 khan Kazakhstan tan hian a khel ṭan a ni.

World number 23 Rybakina hian WTA titles pahnih a la tawh a, ranking-a a tawnsan lai ber chu kumin January thlaa kha niin, khatah khan world number 12 a ni a, tun ṭum Wimbledon hi main draw-a a tel vawi hnihna chauh a ni a, final a thlen hma hian set khat chauh a hloh a, chu chu quarter-final-a Ajla Tomljanovic nen an inhmachhawn khan a ni a, semi-final-ah 2019 champion Simona Halep paltlangin, a vawi khatna atana Grand Slam final a khelhnaah a champion zui ta a ni.

Leave a Reply

This site uses Akismet to reduce spam. Learn how your comment data is processed.