Skip to content
Home » Chanchinthar » Central YMA-in ruihhlo do pawl a din leh dawn

Central YMA-in ruihhlo do pawl a din leh dawn

Central YMA chuan ruihhlo do pawl, Central Anti Drugs Squad (CADS) din leh a remti.

Thawhṭanni zana Central YMA pisa-a Central YMA thuneitu sang Central Executive Committee (2021-2023) ṭhukhawm chuan, ruihhloin Mizoram a rûn meknate thlir chungin CADS din leh nise an ti a, CADS member turin Aizawl khawpui chhunga Branch YMA 108 aṭangin mi pakhat ṭheuh ruat tura beisei an ni a, September 9, 2022 hian member-te lawmna leh hlanna hun hman a ni dawn a ni.

CADS term hi thla 2 chhung zel ni turin ruahman a ni a, member 50 zel awm tura tih a ni.

September – October 2022 chhunga CADS hruaitu atan Convener-ah Roneihthanga, Fin. Secy, Central YMA ruat niin, Asst Convener-ah K Darthantluanga, CEC, Secretary-ah Lalsawma Ralte, CEC leh Asst Secretary-ah R Lalchhandama, CEC te ruat an ni bawk.

CEC ṭhutkhawmah hian hnam dang dan loa sum-dawngte dapchhuah chung-changah hmalak zel dan tur duangin sawrkar hmalak mekna ngaihchan rih phawt nise tiin an rel bawk.

Leave a Reply

This site uses Akismet to reduce spam. Learn how your comment data is processed.