Skip to content
Home » Chanchinthar » Lawrkhawm (31.8.2022)

Lawrkhawm (31.8.2022)

Hri kai 2 hmuh belh
Nimin khan Serchhip District-ah Covid-19 hri kai mi 2 hmuh belh an ni a, nimina hmuh belhte hi Thenzawl leh Mualchengah pakhat ve ve an ni a, heti hian Serchhip District-a hri kai hmuhchhuah tawh zawng zawng chu mi 14,496 an tling tawh a, nimin khan hri kai enkawl dam 4 awmin, hengte nen hian hri kai enkawl dam tawh zawng zawng chu mi 14,447 awm tawhin, enkawl lai mi 13 an awm mek a ni.

SEDP hawng dawn
Vawiin chhun dar 12 hian sawrkar Flagship Programme, ‘Family Oriented SEDP’ Serchhip District chhunga kalpui tur chu Lalchamliana, Home Minister chuan Serchhip DC Conference Hall-ah a hawng dawn.

Kel vulhtute tan training buatsaih
Nimin khan AH&Vety Conference hall P&E Vengah Serchhip District-a kel vulhtute tan FOCUS chuan training a buatsaih a, he training hawngtu Dr.R.Lalmakthanga, DVO chuan kel sa chu sa thianghlim leh hlu a nih avangin intodelh tura ṭan lak a ṭul hle a ni a ti a, he hunah hian mithiamten kel vulhtute tana thil ṭangkai tak tak an sawi a, kel vulhtu society pahnih leh mimal vulh mi 2 an vaiin mi 12 an tel a ni.

Leave a Reply

This site uses Akismet to reduce spam. Learn how your comment data is processed.